قـصيـدة عتاب.(شعر شعبي عراقي)

التفاصيل

تم إنشاءه بتاريخ الثلاثاء, 28 تشرين1/أكتوير 2025 14:39

كتب بواسطة: حاتم جعفر

حاتم جعفر

قـصيـدة عتاب - (شعر شعبي عراقي)

الشَّــهِــمْ مِـن تـِـنـخاه يـوگـــف علـى الـرّاسْ
والـــفُـگــر والــنمّــام، جـَـيــبـه مـا يــنــداس

بـالــعــازه والــكـلـفــات رِدتــــه إلـي عـــون
مـو بـالـحـچـي والـزمـط وگــفـاتــه تــنــقـاسْ

يـامـا مشـيـنـه ســوه، ويـامـا سـهـرنـا الـلـيــل
لا شـفـتـه شال الحـِمل ولا شـفتـه فاد الـنــاسْ

ما ريـد أگــول إشـجـره ولا ريـد أفـضحـنـه
لا اللـوم يــنـفــع بـعـد، طـبـع العِـرگ دَسَّاسْ

گــالـولي زَيـد الصبـر، بـلــچـن يصيرن زين
تـالـي طـلـع مـو وفـي، لا غـيـره لا إحســاسْ

گــلـي بـعـد يا گــلــب، إشـلـون أرجـع الــراح
بـعــد الـتـعـب والألـم والـشيـب غـطّـه الراسْ

من يا كُـتـر مَـرضَعــك والأصـل گــلّـي مـنيـن
الـريـحـة گبَّــت تــره وإنــگـطــعـت الأنــفــاسْ

إلـمَــن بـعــد أشــتــكـي وإلـمَــن أودّي الــهـــم
مـا يـفيــد بـيـك الـعَتـب، خلي أسهر ويه الكاس

السويد ـــ مالمو