من غير زعل .. تمثال أبو جعفر المنصور

                                                     

                              جلال چرمگا

     

   من غير زعل.. تمثال أبو جعفر المنصور

صار كم يوم نقرأ و أنشوف ببعض القنوات تجمعات و تهديد ضد وجود تمثال باني مدينة بغداد الخليفة ابو جعفر المنصور.

كأنما مشاكل العراق كلها انتهت وانحلت لا أكو شباب وخريجين عطالة بطالة ولا ازمة سكن و مواصلات و ارتفاع درجات الحرارة وانقطاع الكهرباء والماي و دخول القوات الأجنبية الى اراضينا من دون علم حراس الحدود ولا الحشد الشعبي ولا غيرهم.
بغداد ، دار السلام مدينة المعرفة والأبداع كانت الأولى في مجال الهندسة وأوطان الفقهاء و العلماء.
بغداد لاينكر دورها تأريخياً وبكل المجالات الأخرى من ثقافة وفنون وعلوم وآداب.
منذ احتلال العراق من قبل الشيطان الأكبر والى اليوم اهملوا شارع الرشيد وصار مأوى للكلاب السائبة والسكارى وحتى التواجد هناك ليلا مسألة مو هينة بسبب الظلام وطفح المجاري و قلة المارة وكل هذا كونه بأسم الخليفة هارون الرشيد!!.
الجماعة ما يعرفون شكو ماكو الله وكيلكم( ابو الطبل ما يعرف ابو المزيقا شيعزف) هم يستلمون الأوامر من مرشدهم الأعلى في قم وطهران وهنا الجماعة جاهزين وبالخدمة الشعارات مكتوبة والهتافات والسيارات جاهزة ووين يروح المطلوب النه!!؟؟.
اليوم بعد ما رادوا بشارع الرشيد من اهمال وجعله منه خرابة اليوم انداروا على تمثال هذا الرجل العظيم الذي لايمكن ان نحصى انجازاته وفي كل المجالات.
أسأل سؤال:
اذا كان ابو جعفر المنصور بنى بغداد ، طيب انتوا وربعكم شبنيتوا غير الدمار والخراب!!؟؟.

شيلتوا الثمال لو بقى يبقى ابو جعفر المنصور تاج عالراس ودخل التأريخ من اوسع أبوابه واللي مايرضى خلي يروح يبلط دجلة الخير!!.

وأخيرا شنحچي وية اللي مايعرفون شىء عن التأريخ، ياترى تعرفون من هو جد الخليفة ابو جعفر المنصور ونسبه ؟؟؟..اكيد لاااااء.
لاتزعلوا من صراحتى ترة عندي هواية كلام و عتاب.. اودعناكم.

   

  

إذاعة وتلفزيون‏



أفلام من الذاكرة

الأبراج وتفسير الأحلام

المتواجدون حاليا

1544 زائر، ولايوجد أعضاء داخل الموقع