(الى رئيس الوزراء مع التحية) " ننتظر الحيتان"

التفاصيل

تم إنشاءه بتاريخ الثلاثاء, 30 حزيران/يونيو 2026 10:39

كتب بواسطة: ميسون نعيم الرومي

ميسون نعيم الرومي

(الى رئيس الوزراء مع التحية)

" ننتظر الحيتان"

سمچات ازغار انحبست
بيهم زلم اونسوان
اعيون الشارع تربي
متنطره اكبار الحيتان
بسم الدين انبگنه.. اوبالقانون
عمامه اوجبه او قمصان
النفط العدنه اتفرهد
والدوله انباعت للجيران
بطالة وأميه اتفشت
بغداد الصارت خان اجغان
ممنوعات اكوام امكومه
والزلم اتكبسل والشبان
بالشارع اطفال اتجدي
اتلمم امهم بالزبلان
تموز الجاي ايفور
والكهربه صارت عنوان
بوگ او فساد اورشوه
امن الراس او للگيعان
_(علي فالح يبن الزيدي)_
تاريخ ايخلد بالشجعان
الشعب ابظهرك وايسندك
تعب اهوايه.. امن الخذلان
امن الروس ابدي او فرحنه
متعوب الشعب او غرگان
عقدان او نيف المرت
ابلادك غرگت بالادران
ازغار اكبار امتانيك
تتصدر قائمة الشجعان
اعيون الشارع تربي
متنطره اكبار الحيتان
………………………….
30 / حزيران / 2026
ســـتوكهولم