شربي بيرة .. قصيدة رائعة !!

التفاصيل

تم إنشاءه بتاريخ الأحد, 06 أيلول/سبتمبر 2015 07:32

شربي بيرة ...
اني ماشيف گبل قوطيه بيرة ..بيها غيرة
​!!!​

شربي بيرة ....... بنخب دولتنه الحقيرة
شربي بيرة...... الشعب هج كله يمچ
وباع جواه الحصيرة .....
شربي بيرة .... كافرة يگولون عنچ
وانتي سلطانه ...... واميرة
كافرة يگولون عنچ ...... وحظنتينا بسماح
والاسلام البيه دعونه... قتل ورهاب وسلاح

شربي بيرة......... عافيه وتنكر عوافي
عاجز اكتب ... ووصفچ بأحلى القوافي
انتي اول كافرة ........ تلبس الحافي
وانتي اول سافره ....... تلبس چفافي
شربي بيرة..... بنخب دولتنه الرشيدة
والاماني ..والسوالف .. والشعارات الجديدة
الناس تصعد للگمر ... واحنه نگعد عالحديدة
شردوا نص الشباب .... وشدوا اسنان الذياب
اكلوا سنين بلحمنه..... واحنه ندفع بالحساب
شرد اگلچ صرنه امة... لا علم لا ثقافه ولا كتاب
هو مو صوچ الحكومه .... ليش حاكمنه الومه
صوچ الشعب الي نتخبهم... وشكك عليهم هدومه

شربي بيرة........ بنخب دولتنة الحقيرة

 

الگاردينيا: للأسف الشديد لم نتوصل الى أسم هذا الشاعر العراقي الشجاع

شكرا له والشكر موصول للأخ / ابو نبراس الذي أرسل

القصيدة

والف شكرة لهذه المرأة الحديدية / انجيلا ميركل لموقفها العظيم تجاه اللاجئين وكأسها أشرف من ما على رؤوس حكام العرب من المحيط الى الخليج