دنيانه الصارت مضويه

ميسون نعيم الرومي

دنيانه الصارت مضويه

لا شرقيه اولا غربيه
حمره .. خضره او ورديه
نشلـَع نقـْـلع ..
تحچي ؟ تمشي؟
لو نسكت عنهه اشويه ؟
المجرب ما يتجرب ..
عتگت ؟
لو الصارت خرده اومنسيه !
او كوثراني متگاود وي قآني..
خري مري يوميه
***
زيباري اوصالح ..
خدموا كلش !
أمان الدوله ..
او محميه !!
الدستور ايهلهل فرحان
اشحده اليخترقه ..
بالعلن اوبالسريـّه
سفارات انواع اشكال
اتحضرنه حضاره كونيه
بالديره تلعب جارات
خري مري يوميه
***
القضاء امصنصل معروف
مشهور ابعدله ..
خطيه !
ايحاسب كل مجرم سارق
يترصد بيده عوچـيـّه
بالعـِـلـِم امسلـَّح هيبه ..
شهادات التشهد (لبنانيه)-
محروسين امن العين اسم الله
حرگي حرمل يبنيه
***
البرلمان العدنه ..
مسرح
تابـَعـْـنه اوشفنه التمثيليه
و(الريس) ردّ ابزوده
صَفـَّه خلافاته الشخصيه
رئيس الدوله ايمطگ
يتوسل .. بازياراته المنكوكيه
امبارك يعارق اوشعبك
دنيانه صارت مضويه
خري مري يوميه
------------------
18 / كانون الثاني/2022
ســــتوكهولم

  

إذاعة وتلفزيون‏



أفلام من الذاكرة

الأبراج وتفسير الأحلام

المتواجدون حاليا

731 زائر، ولايوجد أعضاء داخل الموقع