الگاردينيا - مجلة ثقافية عامة - حچاية التنگال ٨٠

حچاية التنگال ٨٠

                                          

                        د.سعد العبيدي

حچاية التنگال ٨٠

عدنا راتب التقاعد كل شهرين وعند العالم اسبوعي.
إهنا يتعنّهَ المتقاعد الي هدهَ الزمن للبنگ لو لمكاتب الكي كارت، وهناك بالعالم مال الأوادم ينزل الراتب بالحساب أوتوماتيك والمتقاعد المهندم گاعد بالبيت.
هناك يسحب المتقاعد من راتبه المبلغ الي يحتاجهَ، ويعوف الباقي مضموم بالحساب اشوكت ما يريد. وإهنا واحدنا متقاعد وغير متقاعد ويمكن حتى الي يشتغلون بالبنوگ ما نأمن لا بالبنگ ولا بالشركهَ ولا بالدولهَ وحقنهَ، لأن دا نشوف بعيونه الكل عينهم على الكل وواحد يبوگ الثاني بأول فرصة يحس بيها مناسبه حتى الجهات الرسميه هم خاله ببالها تبوگك لو تبوگ بعضها البعض.
گلي اشلون؟. أگلك اشلون:
بهذا الشهر تفاجئنا من تعنينه لمكتب الكي كارت دا نسحب الراتب بالكارت أشو انطانه قسم من الراتب، وسوه محاوله ثانيه وانطانه قسم، وگال أبو المكتب الباقي باچر.
ليش باچر؟.
تعليمات جديده على مود يحموك أنت وفلوسك من النهابهَ.
وانتم شعليكم فلوسي وأريدها هسه.
ما ترهم لأن الكي كارت مبرمج ما ينطي غير خمسه باليوم وعلى دفعات، ولو تبقى تصيح الباچر هم ماكو فايده.
عمي بطلت أصيح قنعني ما دا تخش بعقلي.
مثل ما أگلك أكو عصابات تلحگك وتاخذ فلوسك، فليش تستلمهن كلهن تاخذهن دفعات.
هم أرجع أگول شعليكم.
ما أطول عليكم السالفه، لمن سألت وتطقست، تبين مو هيچ، الصدگ عملية نصب چبيرهَ بطلها البنگ الياخذْ على كل سحبه ألف دينار وشركه الكي كارت ألف وكلما تزيد السحبات يزيد الأخذ وأنعل أبو سبع ملايين متقاعد.
شايفين اشلون احنه شطار بعضنا على البعض.

الأبراج وتفسير الأحلام

المتواجدون حاليا

730 زائر، ولايوجد أعضاء داخل الموقع