أم العراقيين
- التفاصيل
- تم إنشاءه بتاريخ الأحد, 25 أيلول/سبتمبر 2016 19:16
- كتب بواسطة: حذام الحداد
حذام الحداد
أم العراقيين
يَرحون فدوه لشيلتِچ
يَمْ العراقيين
النهبَو أموال البَلَد
ومال المساكين
جوّاچ كنز الذَهب
وبيتچ من الطين
حسافه وانتي بهالعمر
بالگاع تتوسدين
يُمه انتي هيبة وطن
وعالراس تتعلين
گضيتي كل العمر
لأجله تضحين
وولادچ چانو أمس
جنوده الميامين
وتاليهه كل خيره صفه
بحلوگ الشياطين
كل حوت حاير بالنهب
وانتي التجوعين !!
يمن ظهر الحكومة انكسر
والبرلمانييـــــــــن
