جحا البغدادي وهذه النكتة... المسؤول و الحمار!!

التفاصيل

تم إنشاءه بتاريخ الثلاثاء, 19 كانون2/يناير 2016 11:09

    

يگولون مسؤول كلش چبير(بحجم مسؤولي المنطقة الخضراء) مرة زار قرية بيها ناعور مركب على مطحنة لطحن الحنطة ، سلم المسؤول على صاحب المطحنة وگالة : اگدر أدخل اشوف العمل داخل المطحنة ؟

گالة: تفضل أستاذ
دخل المسؤول شاف الزمال شادين برگته أجراس ويدور على الناعور !!،
ضحك المسؤول وگال لصاحب المطحنة : ليش مخلي أجراس برگبة الزمال ؟!
جاوبة صاحب المطحنة : أستاذ حتى من يوگف الزمال وما يشتغل توگف الأجراس وأنا أعرف الزمال وگف !!!
المسؤول مات من الضحك وگال : زين...إذا الزمال وگف و ضل يفر برگبته والأجراس تدگ أنت شمدريك بيه...ها !!!!!!!؟
جاوبه صاحب المطحنة : سيدي هو وين أكو زمال يفكر مثلك !!!!!.