يالثـوبـَـك احـمـَـر

ميسون نعيم الرومي


يالثـوبـَـك احـمـَـر

يالثوبك احمر وامشجر– يالتمشي اوتتغنج يمعدل
اعيونك سوده امكحله – يحليو امذبـَّـل يمهيل
ابسدك شمس اولاذت – لنجوم ابجيدك تتختل
قـداح اوعنبرعطرك - والغمزه البالخد تكتل
***
تتمرجح ترچيه اعله الخد – واتبوس الشفـَّـه اوتتغزل
بشفافك ورد الجوري – والناس ابحسنك تتأمل
والصدر الچنه المرمر – اشمحلاه الشـَـعـْر امهـَدَّل
ياللابس أخضر وامقلم – يالحچيك موزون امكمل
***
يالمايع چنك رطبه – طبعك هاليوم اتبدل
اشرايد يالتمشي ابدربي؟ – ابعد لاتگرب يمدلل
تجفي اوتغدر تتعذر – اعذار اهوايه امشكل
يالثوبك ماوي امقفل – يالتمشي اوتتماوع يمصنصل
-------------
12/آب/2021
ســـتوكهولم

  

إذاعة وتلفزيون‏



أفلام من الذاكرة

الأبراج وتفسير الأحلام

المتواجدون حاليا

922 زائر، ولايوجد أعضاء داخل الموقع