أشــــكـال الـدمـــوع

التفاصيل

تم إنشاءه بتاريخ الأحد, 11 تشرين1/أكتوير 2015 10:04

كتب بواسطة: ميسون نعيم الرومي

ميسون نعيم الرومي

أشــــكـال الـدمـــوع

 

يـا صَعـْـبـَـه الـدمـوع اشـكـال بـيـهـَـه انـواع
بـيـهـَـه امـن الـحـِـكـَـم مـَـرْويـَّـه بـرْوايـات
 
دَمـْـعـَـة فـَـرَح سـالـَـت هـالـتـِـبـوس الـخـَـد
تـبـهـج بـالـگـَـلـب واتـغـَـنـّـي بـالـغـِـنـوات
 
نـشـتـاگ اونـِحـب نـتـذَكــَّـر الأيـام
بـَـسـْـمـَـه اوبـالـدَمـع مـَـرْسـومـَـه عَ الـشِـفــّات
 
صَعـْـبـَـه اوتـنـذكـر لاتـنـسـي اولـَـتـروح
يـادَمـعـَـة غـَـريـب إنـخـنـگـَـت ابـعـَـبـرات
 
تـحـرگ بـالـگـَـلـب والـغـَـصَّه بـالـبـَـلـعـوم
وادمـوع الـحـزن بـالـجـفـن چـَـن جـَـمـرات
 
يـادَمـع الـزلـم مـن يـِـصـب هـَـد الـحـيـل
مـن ذل الـوَكـِـت والـخـيـبـَـه والـعـازات
 
يـادَمـع الـمـوادَع والـگـَـلـب يـبـچـي ادمـوم
والـعـيـن الـتـحـومـي او تـِـكـِـتْ بـالـدَمـعـات
 
يـادَمـعـَـة عـَـزيـز اوذلـَّـة الأيـّـام
تـلـْـهـَـب بـالـگـَـلـب واتـعـَـطـّـب الـرِيـّـاتْ
 
يـادَمـعـَـة طـفـل مـَـرْعـوب يـتـراجـَـف
مـثـل حـَـفـْـنـَـة ثـَـلـج واتـذوب بـالـوَنـّـات
 
مـَـغـلـوب اودَمـعـْـتـَـه اسـكـوت مـاتـنـشـاف
ابـروحـَـه تـِخـَـضر اجـروح والآهـات
 
والـهـَـدَّه الـمـَـرَض يـتــْـوَچـَّـه يـتـوَجـّـع
كـل سـاعـه يـصب ادمـوع وي شـهـگـات
 
هـَـم تـلـْـگـَـه دَمـع تـمـسـاح چـَـن اشـطـوط
مـن يـغـدر يـخـون ايـعـَـلـّـگ الـرايـات
 
إحِـذَر لـو شـِـهـَـگ مـَـظـلـوم وابـدَمـعـَـه
تـوصَل لـلـسـِـمـَـه دَعـْـواتـَـه والـصَرْخـات
 
يـا صَعـْـبـَـه الـدمـوع اشـكـال بـيـهـَـه انـواع
بـيـهـَـه امـن الـحـِـكـَـم مـَـرْويـَّـه بـرْوايـات
-----------------
اكتوبر / 2015
ســــــــــــتوكهولم