مـاجـيـنـَـه يا مـاجـيـنـَـه

التفاصيل

تم إنشاءه بتاريخ الإثنين, 26 كانون2/يناير 2015 21:38

كتب بواسطة: ميسون نعيم الرّومي

ميسون نعيم الرومي

مـاجـيـنـَـه يا مـاجـيـنـَـه


مـاجـيـنـَـه يا مـاجـيـنـَـه
تـهـبـَـع ويـن امـوَديـنـَـه
صَدّگـنـاك اوگـلنـَـه المـنـقـِذ
بـَـسـَّـك واتـقـَـشـمـر بـيـنـَـه
تـَـكـنـقـراط افـرَحـنـَـه اوگـلـنـَـه
إبـعـَـلـَـمـَـك شـمـسك تـچـويـنـَـه
دورك هـالواضح مـَـفـهـوم
دول اتـلاثـَـه اسـطـَـفـّـيـنـَه
حـاسـود إبـعـيـنـَـه اوچـم عـود
عـَـصر الحـَـجـَـري رَديـنـَـه
مـاجـيـنـَـه يا مـاجـيـنـَـه
حـل اچـويـسـَـك وانـطـيـنـَـه
***
چـيـسـَـك فـارغ بـاگـه الگـَـبـلـَـك
يـشـرَب ضيـم او ياكـل شـَـعـبـَـك
وَطـَـنه ايخـونه الخاين فكره
عـَـثـرَه اچـبيـرَه اويـبـقـَـه ابـدَربـَـك
بالروس اويصدگ من يبدي
شعب اوكله  ايصير ابصفك
الدَول العالم  رحت اتـجـَـدّي
فـَـرهـود اوهالصايـر نـَـفـطـَـك
مـنـكـم أيـَّـسـنـَـه اوحل ماكو
بالله امـحـَـصـَّـن انـت اورَبـعـَـك
جيتك هذي إتأذينه
مـاجـيـنـَـه يا مـاجـيـنـَـه
حچيك لتصدگ يروينه
***
مية يوم اوفوگ اوأزود
حچيي اهوايه اومامش فود
بس الكرسي عدنه اتبدل
كرمتوهم ... منكم جود
فكره امرعبل يحچي ابكيفه
راضي ابفكره ايريد اشهود
دم أجيال انهار اوسالت
ياوطني الدومك مربود
شعب امأيس ضايع عرفه
وين اليصدگ بيه ايقود
للقاضي اوحيلنه الفاسد
 حكمك نظفه اوجيب العينه
چيسك حله اشويه انطينه
مـاجـيـنـَـه يا مـاجـيـنـَـه

2014 / 12 / 31
ســــــــــتوكهولم