بـَـسـّـچ تـِـرِفـيـن


ميسون نعيم الرومي

بـَـسـّـچ تـِـرِفـيـن

بسچ يعيني اوبسچ ترفين
نترجه الفرح وانتي تحذرين
خلصتي العمر بالحسره والآه
مل منـّه الصبر وانتي تعرفين
واجروح الگلب ملچومه الجروح
واخبار التجي تشعل چوانين
***
تعبنه الوگت وانتي تشهدين
ندور بالدرب او نرتجي الماشين
بس الحزن داير علينه ايدور
نتأمل نظل والأمل رايح وين
نتباوع للسمه والعين تربي دوم
هلبت علينه تحن تذكرنه واتعين
***
چا شنهي الذنب نتعاقب اوليش
باديار الغرب طشينه اللسنين
خجلان الدمع يترجه بالعين
من ترمش تظل ! لتصير شطين
مهضومه هضم وامحمـّـِله اهموم
من زغري اون يادنيه ليوين
***
اضحك چذب والگلب لهبة نار
ضلع واحد (يصل) واليوم ضلعين
ياجرح الچبيرابروحي محفور
جرح واحد گبل واليوم جرحين
بسچ يعيني اوبسچ ترفين
نترجه الفرح وانتي تحذرين
---------------------
نيسان / 2023
ســتوكهولم

  

إذاعة وتلفزيون‏



الأبراج وتفسير الأحلام

المتواجدون حاليا

771 زائر، ولايوجد أعضاء داخل الموقع