سكيل أميركا مختلف !!

                                           

                           سيف الدين الألوسي


سكيل أميركا مختلف !!

      

شبكة الطرق فيها تدوخ الما يدوخ ،،، بناياتها وجسورها التي خارج التصور عند بناؤها قبل ثمانين سنة واكثر ، واتحدى اي دولة تبني هكذا منشآت اليوم وبكل الامكانيات ،، وكمثل على ذلك جسور سان فرانسيسكو ونيويورك المبنية في العشرينيات والثلاثينات ،،، قطاراتهم قاطين واماترك سجته عرضها يمكن مترتين !!
مطاراتهم مدن مصغرة والحركة فيها مستمرة ٢٤ ساعة ومن تفرج الطائرات الهابطة والمغادرة الواحد ينسطر ويدوخ !!! شركاتهم وبنوكهم ميزانياتها تعادل دول مجتمعة !!!
سياراتهم كبيرة وكذلك لورياتهم وكلها مزودة بغرف نوم مريحة للسواق ،
وجباتهم الغذائية بالمطاعم مال ثالث نفرات !!
اشجار اميركا ونباتاتها اكبر من كل الاشجار المعروفة ، وحتى الارز فيها اكبر من رمز لبنان شجرة الارز بثلاث او اربع مرات !!
الخدمات العامة تأتيك بالدقيقة والساعة واليوم وطبعا كل شئ مقابل اجور سنوية والضرائب التي تدفعها تعطيك فائدة تلك الخدمات ،، مو مثل دول ابو الزبل مييجي الا تنقد خمسة الاف كل جية ، واذا تنطي الفين يكلب خلقته ،، وبعد ميجيك ،، لو ابو المولدة يطفي ، وابو الانترنت يبقيك بليه انترنت يومين لان العاكسة باترياتها وكفت والباتريات غالية !!
كلشي ينحل بالاي فون وتعال فهم حجي احمد اغا شلون رح يحلها !!
الذبان والحشرات سوبر كنغ سايز ، كل ذبانه مربربه من لط الكنتاكي والكوكيز الزين !!
مطرهم عبالك مزاريب مفتوحة ،، وكذلك ثلجهم ،، ولو تنزل انهر من الامطار فالمجاري بيها سيستم دفع مثل سيفون الطهارة عدنه ،، يشتغل كل ما تختنك المجاري وتنزل الاكو والماكو !!
بريدهم بالدقيقة يوميا ويصرفون ورق بكد ميزانيات دول يوميا !!
سوي شتريد ما تسوي بس لا تتجاوز القانون والدستور ،، ومحد يحجي وياك !!
واذا نريد نكتب عن جامعاتهم ومدارسهم ومستشفياتهم ووو فنحتاج الى كتب وموسوعات،، كل مستشفى بكد مدينة الطب عشر مرات واكو مثلها فد عشرين مستشفى داخل مدينة اصغر سكانيا من اي مركز قضاء بساوباولو !!
وييجي مفكر عظيم وسياسي محنك يكلك اميركا كاتله نفسها على نفط المنطقة وعلى عدم استقرارها ،، شلون فسرتها وحللتها اخوية !!
اميركا بيدها كل مفاتيح العالم وكل انواع الاب بي ،،، باجر اذا تريد تكطع النت والمواقع في الانترنت كلها تكطعها ،، وتخلي روسيا والصين يلعبون ازنيف للصبح من سينالكو !! والذي هو هدية من الاتحاد الاوروبي !!
اما بقية الدول النايمة فاذا كطعوا الانترنت والفيسبوك فكلمن يروح يمارس هوايته من موقع ادنى لزيادة عدد اصحاب الكفاءات والعلماء وفطاحل هيله يا رمانة ، البومة زعلانه !!
ويا مكثر البوم والغربان !!

  

الأبراج وتفسير الأحلام

المتواجدون حاليا

771 زائر، ولايوجد أعضاء داخل الموقع