ادخيلك يربي الطف

التفاصيل

تم إنشاءه بتاريخ الإثنين, 13 تشرين1/أكتوير 2025 15:56

كتب بواسطة: ميسون نعيم الرومي

ميسون نعيم الرومي

 ادخيلك يربي الطف

هم ايبچي او هم ايضحك

اوهم بالناس يستسخف

جريدي الكرط…

الفلوس واتصرف

(والمركزي)....

يولول او متحلف

صوچ الجريدي والمطر!

ادخيلك يربي الطف

*****

وانوبه الحمام اشلون…

هالورطه

هدت ع الشلب….

هم اكلت الحنطه

اطنان اشفـِطت…

شو چنهه متقصده

تتعده ع الشعب….

يا ورطه من ورطه

مگرود الشعب….

بس تكرف

ادخيك يربي الطف

****

واجسوره انبنت….

وافرحنه صفگنه

گلنه تنفرج….

والدنيه راضتنه

نوصل بالعجل….

واتخلص المحنه

والفرحه الچذب…..

متدوم خو النه

ابلحظه انطبگ…

بالگاع واكتلنه

حيوان الاجه…

(وابزگطه) طيحنه

صوچك يا شعب….

تشكي او تتأفف

ادخيلك يربي الطف

*******

واهوايه بعد خل….

نسكت اوما نحچي

خافن نبتلي….

وابتهمه…. كيديه

وايضيع الاثر…

ابزنزانه منسيه

تعذيب اوكتل…..

لو حفره جماعيه

ادخيلك يربي الطف

افرجهه يربي الطف

افرجهه