تشابه !! بمناسبة كتابة المذكرات !!

                                               

                             سيف الدين الألوسي

تشابه !! بمناسبة كتابة المذكرات !!

كان يوجد ثور وسيم وشاب ،، عند موسم تلقيح الهوايش ،، عزلوا للثور في ساحة مسيجة بالاسلاك الشائكة ،، وعزلوا چم هايشة شابة حسناء في ساحة اخرى ،مسيجة ايضا بالاسلاك الشائكة ،، ولمنع هذا الثور المفلحم من الاختلاط بالهوايش قبل الوقت المعين !!!
اكو هايشة حسناء لعوب وغنوج ، غمزتله عبر الاسيجة للثور الوسيم !!!
الثور صعدت عنده فد صعده ، وراد يكمز عبر الاسيجة الشائكة للقاء الهايشة !!
صفن ،، وبعدين شافها صعبة ،،، التفت يمنه يسره ،، لگه ثور وقور كاعد يكتب ويدخن ويفكر ،،،راح سأله ،، استاذ عندي مشكلة ؟؟ اشلون أكدر اطفر على ذيج الهايشة الحلوة ؟؟
جاوبه ،، شوف ابني !!! ارجع مسافة بعيدة وتعال ركض باسرع ما يمكن ،، واطفر عالي على السياجين وكمل شغلتك ،، ومن ترجع سوي نفس الشي وهمين اكمز !!!
صفن الثور وگاله ،، واذا مدبرته ووكعت فوگ الاسلاك الشائكة ،، مو كل مسائلي وقلاقيلي تطير !!!!!!!!!!
جاوبه ،، بهذه الحالة تعال اكعد يمي وصير مستشار وخبير استراتيجي واكتب مذكراتك وشلون چنت !!!!
هسه الكل صايرين خبراء واستراتيجيين وخصوصا لمن هم فوق الستين من ربعنه !!! ،، واخرهم فحل التوث اوباما الذي صرح البارحة بأن مذكراته ستصدر قريبا ،، مو فتك اليمني خلال ثمان سنوات من حكمه وبعد ان دمر عدة بلدان عربية ونشر الارهاب !! ،،،،، وهايه خوش شغله ،،كلمن وره ميلوص ويخربط ، يكعد يكتب مذكرات ومثل خالدة الذكر ميمي شكيب !!! همين كتبت مذكرات !!!!!!
وعرب وين وطنبورة وين ؟؟!!!!

  

إذاعة وتلفزيون‏



أفلام من الذاكرة

الأبراج وتفسير الأحلام

المتواجدون حاليا

736 زائر، ولايوجد أعضاء داخل الموقع