أيّام زمان

                                             

                      إعداد /اسماعيل مصطفى

أيّام زمان

أيام زمان كان المطبخ بي كاونتر واحد وبي كل المواعين، وكانوا يطبخون ليل ونهار وهسه البيت بي مطبخين والأكل يجيبوه من السوق.

أيام زمان كان البيت بي 10 أولاد وبنات ومتربين أحسن تربية وهسه البيت بي بس ولد وبنية وأهلهم ميگدرون عليهم !

أيام زمان كانت الناس تنام أحلى نومه عالگاع وهسه الفراش قيمته كومة فلوس والليل كله يتگلبون وأرق وكوابيس!

أيام زمان كان البيت بي تلفزيون واحد وقناة وحدة ونعرف منه أخبار كل الدنيا !! وهسه كل غرفة بيها تلفزيون وألف قناة ومحد يعرف عن الثاني شي والإعلام كله كذب.

أيام زمان ما كان أحد يعرف شي عن الصحة ، بس كانوا كلهم أصحاء وعدهم لياقة بدنية، وهسه الكل تتكلم عن الصحة والرياضة ، ونص الناس مريضة وتعبانة!

أيام زمان كانوا يدرسون ويتعبون بالدراسة على اللالة والفانوس ، ويفرحون بالشهادة ﻻحفلات نجاح وﻻ هدايا ومتونسين !وهسه اﻷم واﻷب يدرسوهم، ويجيبولهم مدرسين خصوصيين ويادوب ينجحون وتعال شوف الهدايا والحفلات!

أيام زمان كان البيت بي هول وغرفة خطّار ومطبخ وغرفتين وكان البيت مفتوح للكل، وهسه مساحات وطوابق وكومة غرف وإذا واحد فكر يروح خطّار لازم ينطي خبر قبل أسبوع والگعدة كلها رسميات!!

الأبراج وتفسير الأحلام

المتواجدون حاليا

678 زائر، ولايوجد أعضاء داخل الموقع

تابعونا على الفيس بوك