الگاردينيا - مجلة ثقافية عامة - مجلس أمن يستنكر!!

مجلس أمن يستنكر!!


ميسون نعيم الرومي

مجلس أمن يستنكر!!


-(أمريكا) تـَـدْعو، ومجلس أمن يستنكر!
-(هـيـئـة أمم) تترقب ، (اوربا) ما تگدر!
احـزاب السـياسـَـه اوسـلطـَة الأذنـاب
بالقتل تتفنن..او للشعب تتحـَـلـّـف اوتغدر
***
اولاد العراق ابصدر عريان والأعلام
دمهم هالجـره بالسـاحه صار انهـِـر
شـَـدّوا بالجروح ابـقـِـوَّه وابتصميم
اتحدوا بالرصاص ابعزم واعدادهم تكثر
***
حلفوا بالشهيد..ابدمه ..مـَـيرجعون
تغيير النظام امن الجذر..المطلب الأكبر
-(عيب امن الشهيد اشلون..ما نرجع)-
كل ثـائـر حـِـلـَـف..گالهه اوكـَـرّر
***
يا جيل الشباب..التاج فوگ الراس
عـَلـْمـَوا شجاعه للزمن..والبيهم اليشكر
يا هـيـبـَة شـعـب..يافخـر للأجـيال
للوطن انتوا الأمل..امن الباغي يتحرر
***
عريتوا الوجوه التسرق ابإسم الدين
لايران الولاء..اوعَ الشـعب تـتـنمـَّـر
ابـنـيات العراق او ولده متحديـن
يبنون الوطن واعراقـْـنـَه اليـزهـر
واعراقنه اليزهر
------------
19/شباط/2020
سـتوكهولم

الأبراج وتفسير الأحلام

المتواجدون حاليا

547 زائر، ولايوجد أعضاء داخل الموقع