حچاية التنكال ٢٣

                                      

                          د.سعد العبيدي

خو شفتوا بعيونكم محد گللكم إشصار بالبرلمان يوم الثلاثاء والاربعاء والخميس . شغلتين لازم واحد يباوعهن بعيون مفتوحة على الآخر:
أول وحدة يجي نص البرلمان تمرد على رئيسه وعلى رؤساء الكتل والرئاسات الثلاثة، وشال رئيسه شلع.

واهنا نگول حقهم وين أكو برلمان بالعالم يتفقون رؤساء كتله على الموضوع الي ينطرح للتصويت بره يعني خارج قبة البرلمان، وبعدين يأمرون ربعهم، داخل المهجومة حتى يصوتون على الي تم الاتفاق عليه. يعني يتحكمون بالبلد مثل ما يريدون مو مثل ما يريد الشعب.
ووين وبيا برلمان تلگون مثل هيچي رؤساء كتل واحدهم مثل الزيبگ ما ينلزم، ومنين ما تجيه يلوف عليك وعلى القانون وعلى الأكبر منك ويطلع هو أبو الراهي.
ووين أكو هيچي بلد بين كل بلدان العالم تحكمه ثلاث رئاسات ما متصافيه بيناتها واحد يجر بالطول وواحد يجر بالعرض وكلمن يحود النار الگرصته.
وثاني وحدة بعد أنگس، رؤساء الكتل قدموا قائمه بوزرائهم وأعضاء من اللجان البرلمانية الى المفروض تدقق بالسير الذاتية للوزراء المرشحين حتى يصوتون عليهم، راحوا رشحوا نفسهم للوزارات وضاعت القائمه الي جايبها رئيس الوزراء وخربطوا الغزل. شايفين بعمركم مثل هاي الزعططه. زين متستحون. مو هي أمانه. صدگ لو گالوا ودع البزون شحمه.
والله عيب عليكم يوميه تجرون بينا وبالعراق من مصيبه الى مصيبه أنگس.
وين راح توصلونه، ومثل ما گالت ذيچ العجوز الجنوبية والله ملينه، هي وليه خوما وليه. تدرون موصوچهم.
وتدرون وين الغلط.
الغلط بينا وبالدستور الي انكتب على غفله وبسرعه يعني إتلهوگ.
والغلط بالكتبوه وأغلبهم من رؤساء الكتل، لو من الگاعدين جوه ادين رؤساء الكتل وبس ياخذون أوامر.
زين الحل: أعتقد بالأخير الكل تقتنع ماكو حل غير القلع.             

  

إذاعة وتلفزيون‏



أفلام من الذاكرة

الأبراج وتفسير الأحلام

المتواجدون حاليا

1208 زائر، ولايوجد أعضاء داخل الموقع