غـرْگـَـت بـيـنـَـه

ميسون نعيم الرومي

غـرْگـَـت بـيـنـَـه

تـاهـَـت هـذي الـدنـيـه اوبـيـنـَه
دَمـْـعـَـه اوسـالـَـت
ذلـَّـه اوطـالـَـت
عـمـر الـضاعـَـت بـيـه اسـنـيـنـَـه
ذبـحـوْ بـيـنـَـه كـل الـعـيـنـَـه
دَم اتـطـَـشـَّـر ويـنـَـه اوويـنـَـه
مـتــْـنـَـه ابـحـُـبـَّـك
إسـمـي ابـإسـمـَـك
مـاچـَـن ابـگـاعـَـك واربـيـنـَـه
حـيـف اعـلـيـنـَـه اهـوايـه انـطـيـنـَـه
***
نـار ابـگـَـلـبـي اتـوج اتـحـرگـَـه
جـَـرحـي امـخـَـزّن
ضيـم امـشـَـكـبـن
جـَـمـرَه اوتـچـوي ابـنـار الـفـرگـَـه
غـَـصَّـه اوتـحـرگ لـَـهـْـبـَـه اوشـَـهـگـَـه
حـس اوضايـع خـَـنـْـگـَـه ابـشـَـرْگـَـه
سـاكـت شـَـعـبـي
أشـكـي الـرَبـي
جـَـرْدَه اوصارَت مـامـش وَرْگـَـه
وَسـْـعــَـه اوضاگـَـت تـالي اعـلـيـنـَـه
***
مـايـك دجـلـَـه نـَـبـع ابـروحـي
ذكـرى الضـَـلـَّـت
روحـي انـشـَـلـَّـت
انـتَ الـفـَـرْحـَـه وانـتَ اجـروحـي
اتـنـوح ابـروحـي نـوحـَـك نـوحـي
شـَـمـْـس ابـلادي هـلـّـي اولـوحـي
جـوع امـخـَـيـّـم
خـوف امـغـَـيـّـم
بـَـغـداد الـوَرْدَه الـمـاذبـلـَـت نـهـضي اوفـوحـي
اعـراق الـثـَـورَه اوبـيـه ابـنـيـنـَـه
غـرْگـَـت هـذي الـدنـيـه اوبـيـنـَـه
***

1 / حزيران / 2015
ســـــــــــتوكهولم


 

  

إذاعة وتلفزيون‏



أفلام من الذاكرة

الأبراج وتفسير الأحلام

المتواجدون حاليا

676 زائر، ولايوجد أعضاء داخل الموقع