الگاردينيا - مجلة ثقافية عامة - يـَـالـْـمـِـشـيـــــــــت

يـَـالـْـمـِـشـيـــــــــت

 

ميسـون نـعيـم الرّومي

يالمشـيـَـت
وانـتَ چـَـنـَّــك مادريـَتْ
روحي عـنـدَك أمـّـنــَـيـتْ
اومادريـت
عـمري هالعندَك إسـْـنـيـنـَه
وانـتَ سـجـّـانـَـه اوأسـيـرَه
ابسَـهَـم هَجـرَك صوَّبـتـني
اوهالرّميـت
رايـح ابـْـضـَـنـَّـكْ
 نـسـيـَت؟
احـلامنا الچانـَـتْ ... چـبـيـرَه
ابروحي وانـظفـرَت...ظـفـيـرَه
يادَمع عـيـني الـيـِـهـلْ
ياللــّي انـتَ ابگــَـلبي دَگـْـتـَـه
اوعـلى صَــدْرَكْ
 آنـَـه يالغالي غـفـيــتْ
مـنـّـك أبـْـداً ماأمِـلْ
شــَـردْ أگِــلـّـكْ
كـلمَنْ ايـردّه ضَمـيـرَه
وانـتَ عـيـَـنـكْ غـادْ تـربي
تـدري انـتَ ... زيَـنْ تـدري
اوآنه أدري
اسـنيـنْ حُـبْـنـَـه
بيدك احبيب محـيـَـتْ
يالمشـيــت

ياجَـمـرْ هـَـجْـرَكْ يـَـعـيـني
لـَـهـْـبـِـتــَه بالضلعْ وَجـَّـرْ
رَدْ شـعـَـلـْـني ... اورَد طِـفـاني
رَدْ لچـَـمْـني اوهَـمْ چـواني
أردْ أچـهـْـبـَـه اوعـيـَـبْ أگـْـدَرْ
يادَمِـعْ عـيــني البـِـلانـي
صرتْ عِـطـّــابـَـه
 اوطِـفـيــتْ
آني انـتَ ... وانـتَ آني
قـَـدَرْ هالجاني اورماني
ابْـهـَـمـَّـكْ اوهـَـمـّـي
ابـْـتـليــتْ
آخ مِـنـَّـكْ يازماني
ضيـَـمْ ظلمَك هالعِـماني
وانـتَ عـمـْري ضـَـيـِعـيــتْ
يالمشـيـَـتْ اومادريـَـتْ

آنـَـه طـيـَـرْ انهـِـدَمْ عـشـَّـه
تايـه اومَگـْـصوصْ جـنـْحَه
عـمْـرَه ماشايـفْ الفـَـرْحَه
هايـم امضَيـّـعْ ابـْـدَرْبـَـه
ليـلـو وابـْگاعَـكْ تِـطـشـَّـه
اعـْـليَـهـَـه أحـَـنـِّـبْ ... لـَـمْـلميَـتْ
غـرْبـَـه عايـشْ بـيهـَـه غـرْبـَـه
يالخـَـذتْ مـنْ گـَـلـْـبي صَـبْـرَه
جـفـْـني انـتَ وآنـَـه رِمْـشـَـه
وآنـَـه وابْـهـَـمي انـسـبـيـَـتْ
يالمشـيــتْ
اجْـروحْ گـَـلبـي
غـَـمَـگـِـتـْـهـَـه
ابْـتـوتْ گـَـلـْبـي اوگـَـطـَـعِـتهَـه
تـدّي تِـنـْـزِفْ ... هالعِـفـتهَـه
يالتِـبـيـعْ ابْـرخـصْ ... حُـبـَّـكْ
والجَـرِحْ هالبـيـدي رِفـْـتـَـه
يـنـْـزفْ اوهـالساحْ غـَـدرَكْ
وآنه دَمّي ... والله دَمـَّـكْ
هـذي تاليـهَـه صفـيـَـتْ ؟
ويـَـنْ يَـعـْـيـوني مشـيـَـتْ
عـمري مايـومْ اشـْـتـكـيَـتْ
بــيـكْ بـَـلـْـوَه وابـتـلـيـَـتْ
يالـْـمِـشيــتْ
وانـتَ چـَـنـَّـكْ مادريـَـتْ
اوهالـْـمِـشيــتْ


ســـــــــــــبتمبر / 2014
ســــــــــــــتوكهولم


 

الأبراج وتفسير الأحلام

المتواجدون حاليا

480 زائر، ولايوجد أعضاء داخل الموقع