الگاردينيا - مجلة ثقافية عامة - گـَبـرْ إجْـماعـي اعـْـليَـه انْـطـوفْ

گـَبـرْ إجْـماعـي اعـْـليَـه انْـطـوفْ

 

ميسون نعيم الرّومي


جَـرحْ امْخَـزّنْ بـيَـشْ اتْـــروفْ
اجروح اچبيره ابلاية اجـروفْ
 
جَـرَّعْـتونَـه امْـنَـوعَـه اهْـمومْ
واذبَـحْـتـونَـه ابْـلايَــه خــوفْ
 
گـلبْ اليـنْـضَحْ غـلّ اوسَمْ
طـبـلـوْ زَمْـروْ دگـّـوْ ادْفـوفْ
 
ارجال الضاعَـتْ ماكـو اگـبـورْ
گـَـبـر اجْـماعي اعْـليَـه انطوفْ
 
دَمعْ الســالْ اوصار اجْســــورْ
اعْـيونْ ابْـيَـضّتْ ماضَل شوفْ
 
ذليـتـو الشَــعـبْ اوجـوعـانْ
صار الشعبْ ايـدَورْ احروفْ
 
غـربَـه اصبَـحـنَـه ابْـلا اوطانْ
خـيـركْ يا بَـلدي مَـكـْــــروف
 
إنْـسـانـيـه اسْـلبْـتـو الأنـسـانْ
 كلكـمْ جَــلادْ اومَـكْـشــوفْ
 
نـشْـفَـتْ نـهرانْ إمنْ المـاي
انْـبـاع الشَـــط المعْـــروفْ
 
تاريـخْ امْصَخَّـمْ ما يـِـبْـيَـضْ
احْـروبْ اهْـوايَـه عـدّ اوشوفْ
 
شـبّـانْ اتْـعَـوقَـتْ بحـْـــروبْ
رجْـليَـنْ انْـگـَصَّتْ واچْـفـوفْ
 
ذنـوبْ اوواحـدكـم مَـتْـروسْ
تاريخ المَـكْـتـوبْ اومَكشوفْ
 
بالموتْ امْحَـزميـنْ اوبالشـوكْ
بَـلـْكـي الدنيه اتْحـنْ اتْعـوفْ
 
اتأمَـلـنَـه او ضاعَــتْ آمالْ
إنهار الحايـط طاحْ الطوفْ
 
غَـصَّه اوتخْـنـگْ وا ويَـلاخْ
ماكـوْ ضَنَّـه راحَة انـشــوفْ
 
عَـدْليـنْ اونـمْـشـي مَـيـتـيـنْ
إبْـدَمْـنَـــه الزادْ اومَـدْيــوفْ
 
مَهْـضومَــه المَـرأه ياحـيَــفْ
امْعَـلگـينْ الشَـرَفْ ابْـنَـفْـنـوفْ
 
ياشـَـعـبْي الطيبْ مَظلـومْ
مَـوجـوعْ دومَـه اومَـنسـوفْ
 
بَـلدي إمعَـذَّبْ كـومَه اسـنيـنْ
يـحْـلم بالراحَــه اومَـلهـــوفْ
 
جَـرحْ اليـنْـزفْ بـيَـشْ اتْـــروفْ
اجروح اچـبـيـرَه ابلاية اجـروفْ

مايس / 2014
ســــــــــــتوكهولم

 

الأبراج وتفسير الأحلام

المتواجدون حاليا

625 زائر، ولايوجد أعضاء داخل الموقع