صَوْتولَه يَـرَبْـعـي اوياهَـلي

 

ميسون نعيم الرّومي


 
فرحي يـَيـمْه اوهَـلهـلي – جانَـه الفَـرَجْ وادَلّـلي
شَـعَـبْـنَـه بيهم مبتلي

   شــوفْ النائـبـَـه الغَـنـدورَه
صورة لخوهَ امعلگـه بالصوره
مـن يـعـرفْ الحـَـزورَه ؟
بـيـعي يَـحلوَه لبلبي – شَـعَـبْـنَـه بيهم مبتلي
*********
ايـدكْ ابأيـدي نـتحـــدْ
نـطردْ الباگـوْ هالبَـلـــدْ
يـخـلصْ بَـلدنَـه اويـنسعـدْ
صوتَـكْ مهم يا سَـيـدي - جانَـه الفَـرَجْ وادَلّـلي
********
فَـكـّرْ ابهيدَه وانـتخـبْ
بالك يَـشَـعـبي تـنغـلبْ
حكومه سولته نَـهـبْ
لا تنتخبهم ! نـنـسـبي - شَـعَـبْـنَـه بيهم مبتلي
********
العـِنـدَه شـهادَة.. يـفـتهـمْ
يـنـقـذ بـَلدنَـه امن العَـدَمْ
عـنده ضمير اوهم قـِيَـمْ
معروف عَـنَّـه حَـنـبـلي - فرحي يـَيـمْه اوهَـلهـلي
********
مَليـنـَه اشْـبَـعْـنَـه تصريحاتْ
مَـرضْ اوجـوعْ اوتَـفجـيـراتْ
محـتاريـــن ابلا خَـــدَمـاتْ
باگَـوْ الجـزَّه والطلي – شَـعَـبْـنَـه بيهم مبتلي
*********
هـذا النفط ملك الشَـعَـبْ
إلنَـه مرض الهم ذهبْ
باگـَوْ الســلَّـه والعـنَـبْ
مَـكـشـوفْ كـلمنْ مدعي -  فرحي يـَيـمْه اوهَـلهـلي
**********
باعَــوالذمَّـه والضَمْـيــرْ
سنين عشره والبلد وضعَه خطير
جـوَّه الفـقـر يمَّه الفَـقـيـر
لايـرضَه رَبْـكـم لا عَـلي - جانَـه الفَـرَجْ وادَلّـلي
*********
لاتـنْـتخـبْ نايـبْ مُـدعي
بالديـنْ يـحچي اويـدّعـي
يـبـيـع البَـلد يسعَه سَعي
بالبَـلدْ لعْـبَـوْ شـومَلي – شَـعَـبْـنَـه بيهم مبتلي
*********
شَـعَـبْـنَـه دايـخْ جـوعـانْ
حاكـمْـنَـه إيـغـني فَـرحانْ
ذابـحْـنَـه ذَبـْـح الخـرفـانْ
بالچـذبْ واليـنَـه وَلي - جانَـه الفَـرَجْ وادَلّـلي
**********
مُرَشَـحْـنَـه عفيف اوخاليه اچفوفه
دمقراطي نَـظيـفْ .. والسيرَه معروفه
يحمي بَـلدنَـه والنهـَـر واجـروفَـه
لا للطائفية .. لا للمحاصَصَه
لا..لا..للگالو بَـلي - فرحي يـَيـمْه اوهَـلهـلي
*********
شَمْس التَـيار اتغطي الكونْ
ديـمقـراطي اومِنَّـه العـونْ
لـبْـلادي يـحفـظ ويـصونْ
صَوْتـولَه يَـرَبْـعي اوياهَـلي – جانَه الفَرَجْ وادَلّـلي
صوتوله يربعي اوياهلي
فرحي يـَيـمْه اوهَـلهـلي

نيسان / 2014
ستوكهولم

  

إذاعة وتلفزيون‏



أفلام من الذاكرة

الأبراج وتفسير الأحلام

المتواجدون حاليا

1064 زائر، ولايوجد أعضاء داخل الموقع