منع التجول بالبيت ، وكورونا والوسواس التسلطي القهري والقلق !!!!!

                                           

                        سيف الدين الألوسي

منع التجول بالبيت ، وكورونا والوسواس التسلطي القهري والقلق !!!!!

١- الرجال والنساء في الشرق الاوسط وحسب الاعمار وفي العراق خاصة :

أ - الرجال من عشرين سنة الى خمسين سنة :: مكابل الكومبيوتر ومطلع كل القهر براس الجهال ،،، ولك اكعد ، كلب ابن ... ،،، كعدي اقري بت ... !! ،. منين ادفع قسط السيارة ،، غسلوا ايديكم قذرين ،،، رح ييجيكم نعال طاير ،،، قزل القرط ،، صوت انفجارات ومرته تگله گراگيع ،،،،،،، شبساع خلص اللحم !!!! لحد يشرب بالكلاص وره ميتزقنب بيض !!!!! ليش ... الشيطان بالحايط ،،،،، منو شاخط السيارة،،،،، مشتهي تكه ،، نصي التلفزيون !!! ، لتلعب بخشمك !!!، والخ !!!!
ب- النسوان بنفس الفئة العمرية :: عجب اهلك مخابروا يسألون ؟ ،،،،، شتريدون باچر غده ،،، رح نخلص بيض ،،،، عيونك رح تنعمي من الكومبيوتر ،،، ويامن دتحجي بالماسنجر ،،، شعرك طولان ولحيتك همين !!! اسويلك گهوة بلية الزقنبوت ،،، ابنك ديشرب جكارة بالخلاء بس لتبسطه خطية !!! رح يخلص الرصيد ،، عفية گلبه على الام بي سي الله يخليك !!،، يكلون ابو همسة ابو الدكان مفتح وجايب كعك وبقصم ، بلكت تتمشى تجيبلنه ويه الجاي !!! والخ .

٢- فوك الخمسين وخصوصا فوك الستين !!
أ- الرجال الشياب من ربعي :: هايه شلون بلوة خابرتي الولد والبنات ،، شلونهم الجهال ،، كليلهم ليداومون من .... بالدوام (لمن اولاده باميركا واوروبا ) ،،،،، ليش خاله بالدولمه حامض هواية ، شنو طرشي لو دولمة !!! سويلي شوربة بالليل ،،، اذا متنه منو يدفنه !!! انعل لشت ابو الصين ،،، عقموا ايديكم بكلوريكس ،،، اشصار من تشكيل الوزارة ، صارت قصة عنتر ،،،، هذه الملكة البومة اليزابيث رح تكشرنه كلنه وحتى ابنها ،،،،، وين خليتي حبوب الضغط والسكر ،، خمسين مرة كايلج لتشيليها منا ،،،، مناظري مده اشوف بيها !!!! رح نتخبل رسمي تالي عمرنه !!! طفوا الضوه ،، الخ !!

ب- النسوان :: لخاطر الله شكد تنغط وتونون !! ،،،،،! فلانة، ابنها خطية ذب الحلقة ،،، شلون يشتغل السكايب !! مكابل الاخبار وگاعد ،،، تكوم تحرك تمشى شوية ، مجنز نفسك !!!!! متشوف رح يوزعون تقاعد هل الشهر !! صاير عندي خفقان ،،، شعري ديوكع يمكن الغدة !!!! كافي تقره مو رح تعمى ،،،،،،،، لتجيب الچلب يم الباب توني متوضية ،،، همين سم وقزلقرط وجكاير !!! مو كبرت !!!!! رح تموت نفسك ،، منو يحير بيك اذا انشليت !!! ما عندك ڤاليوم !!وووووووووووووووووو الالاف من الجمل المفيدة !!!

الله يحفظ الجميع وكل البشر ،، واين ما كانوا ،، وليضيك خلكم ،، تره الكل حايرين بزمانهم ،، واحنه بلية كورونا هله هله !!!!!

  

إذاعة وتلفزيون‏



أفلام من الذاكرة

الأبراج وتفسير الأحلام

المتواجدون حاليا

809 زائر، ولايوجد أعضاء داخل الموقع