إلى فيروز (جارة القمر) ومحبيها

ميسون نعيم الرومي

 إلى فيروز (جارة القمر) ومحبيها
أهدي هذين القصيدتين
 
الـى فـيـروز

كـِـلـْما تـمـر نـَـسـْـمـَة صبـح
لـَـفـْحـَه تـِـهـِـب لـَـفـْحـَة عـِـطِر
 
والـوَرِد يـتــْمايـل غـَـنـِـج
نـَـدَّه الـنـِـدَه ابـوَجه الفـَـجـر
 
(فـَـيـروز) يـا أحـْـلى نـَـغـَم
صوتـِـچ وَشـِـم ويـّـه العـمـر
 
عـود اوربـابـَـه وَي نـاي
غـَـنـَّـت بـَـلابـل عَ الـشـَجـَر
 
مـوج الـبـَـحـَر يـعـْزف الچ
سـجـْدَت انجـوم اويـه الگـُمـَر
 
وَرْد الـبـَـنـَـفـْسـَـج قـدّاح
عـطرالهـوى ابصوتـچ نـشـَر
 
صوتـچ يـشـِـع ويـَه الشـَـمس
لـون السـِـمـَه وَكـت العـَصِر
 
غـِـنـْـوَة فـَـرَح غـِـنـْوَة أمـَـل
اسـْـمـِـچ شـَـذر لـون الـبـَـحـَـر
 
لـيـلـو ذهـَـب وَي مـِـرْجـان
زيـنـَـة شـگـر زيـنـَـة سـمر
 
عشب او رگص غنوة نخل
صوتـچ نـَـغـَـم وَسـط الـنـَهـر
 
(فـَـيـروز)  يـا أحـْـلـَه لحـن
ابـدَرب العـشـگ يـسـحـِر يـمر
 
غـَـنـَّـه شـَـمع يگــْطرعـَـسَـل
اسـنـيـنـچ زهـَـت وانـتِ الفـَخـَر
 
عـُمـْرچ صِبـي دوم الوَكـِت
بـالـروح إلـج فـَـرْحـَه اوأثــَر
 
(فـَـيـروز)  مـيـلادچ يـظـل
عـمـر الـربـيـع اوزهـَـر
-----------------
اهدي هذه القصيدة الى جارة القمر ذات الصوت المخملي
الى فيروز الصباح بمناسبة عيد ميلادها
الحادي والثمانين
الذي كان في
21 نوفمبر تشرين الثاني 1935
-------------------
كانون الأول / 2016
ســـــــــــــتوكهولم

يـا فـَـيـروز يـا فـَـيـروز

صوتـچ حـَـريـراو لـَـحـن بـيـه انـغـام
ابـلـبـنـان اوصدَح بـَـغـداد ويـّـه الـشـام
 
إسـمـچ حـلـو فـَـيـروز بـحـروفـَـه
ابـلـون الـسـمـَـه .. كـُـبـْـر الـبـَـحـَـر واجـروفـَـه
 
للنـَـرجـس اعـيـون اوتـحـچـي عَ الأسـرار
عَ الأنـدلـس والـحـلـوَة الأنـوار
 
للحـب للشـَـمـس غـَـنـوات عـَـن اللوز
عَـالشـتـَـه اوعَن الـصيـف وابتـَـمـوز
يـا فـَـيـروز يـا فـَـيـروز
***
غـنـوَه للهـوى وامـضـّـيـّـع الأحـبـاب
كـتـْـبـَـوْ بـالإسـم عَ الشـاطي عَ الأبـواب
 
عـلى ليـل المـحـب والـشـَـبـْـگـَـه إيـد ابـإيـد
وابـضي الـگـمـَـر سـَـهـرانـَـه تـتـْـنـَـه العـيـد
 
عـلى شـادي الطـفـل والضاع ويـَّـه الـنـاس
عـلى غـَـدر الـزَمـَـن عَالوفـَـه اوعَ الإحـسـاس
 
والـحـب الـكـبـر واتـعـَـلـَّـه فـوگ الجوز
يـاصـوت الـكـَـنـاري الـصاح يـافـَـيـروز
يـا فـَـيـروز
***
البـَـغـداد الـحـَـبـيـبـَـه الـبـيـهـَـه تـحـْـلـَـه اشـعـار
صوتـچ ضوَه عَ الـنـَـخـَـل عَ الأشـجـار
 
بـيـچ اوتـفـتـخـر لجـبـال وي لـبـنـان
يارَمـز اوفـَـخـَـر يا عـِـزَّة الأوطـان
 
اشـعـاع امن الـشـَـمـس اهـديـلچ الـنـَـجـمـات
يالإسـمـچ عـِـلـَه وايـعـَـلـّـي بـالـرايـات
 
اشـعـَـلـنـَـه الـشـمـع هـاليـوم يافـَـيـروز
عـمـرچ ألـف كـون ايـصيـر
يـا فـَـيـروز يـا فـَـيـروز



كانون الأول / 2016

  

إذاعة وتلفزيون‏



أفلام من الذاكرة

الأبراج وتفسير الأحلام

المتواجدون حاليا

698 زائر، ولايوجد أعضاء داخل الموقع