ويـن اتـريـد اوتـشــــرد ويـن؟؟


ميسون نعيم الرومي

ويـن اتـريـد اوتـشــــرد ويـن

مـا ظـَـل جـاه اوعـنـدَك سـُـمـعـَـه
*نـهـتـف تـسـقـط (نـوري)الـجـمـْـعـَـه
ويـن اتـريـد اوتـشــــرد ويـن
ضاگـَـت بـيـك ! اتـريـد الـشـَـلـْـعـَـه؟
مـَـطـْـلوب انـت اتـْـفـرّ اشـلـون ؟
إيـهـَـرّب ابـنـَـك وانـت اتـشـَـجـْعـَه  
خـنـت اعـراقـي إخـيـانـَـة عـُـظـْمـى
إعـقـوبـَـة نـوري سـجـْـنـَـه ايـردْعـَـه
 
كـل مـفـســـد لازم يـتـحـاكـم
بـيـه الـبـَـدْوَه اوخـَـل إنـشِـلـْـعـَـه
مـَـحـْـكـَـمـْـة الـشـَـعـب انـشـَـكـلـْـهـَـه
بـالـعـَـدْل اوتـحـكـم واتــْـسـَـمـْـعـَـه
احـكـومـَـة سـرّاق انـسـَـقـطـْـهـَـه
كـل مـجـرم بـالـسـجـن إنـوَدْعـَـه
أمـوال الـشـَـعـب اورَجـْعـوهـَـه
لازم شـَـعـْـب الـحـَـقــَّـه ايـرَجـعـَـه
امـكـَـيـفـيـن الخـَضراء امـْحـَـصنـَه ؟
شـَـعـْبي اويـهـْجـمْهـَه ابـكـل  سُـرْعـَـه
ابـلا شـَـرعـيـّـه اسـمع نـوّابـَـك
نـهـتـف سـُـرّاق ابهالـجـَـمـّـعـَـه
*(بـَـهـّـاوي) ايگول اسـْحـَگ شـعـْبي!
تـتــْهـَم شـَـعـْبي اوصارت صَرْعـَه *
إمـن الـراس الـحـَـيـَـه اوتـكـتـلـْـهـَـه
كل ذيـل اولـلـراس ايـتـبـعــَـه
*( يـعـبـادي )الشگ شـوف اشـْكـُـبـْرَه ؟
مـا تـتـصـَـلـَّـح عـَـمـي ابـرگـعـَـه
قـيـل اوقـال اوخـطـْـبـَـة مـَـنـْـبـَـر
والـنـاس امـن الـحـَـر امـوَلـْـعـَـه
يـامـَـولانـَـه .. ابـنـَـفـسـَـك إبـدي !
اتـصيـر الـقـدوَه الـشـَـعـْـبـَـك شـَـمـْـعـَـه
شـَـعـْـبـَـك ثـار اويـاخـذ بـيـدَك
صيـر الـمـاي الـگـاعـَـه اونـَـبـْـعـَـه
صيـر الـمـاي الـگـاعـَـه اونـَـبـْـعـَـه


*نوري:- نوري المالكي رئيس الوزراء السابق
*بـَـهـّـاوي :- بهاء الأعرجي نائب رئيس الوزراء
هدد المتظاهرين حيث قال (سأضع هؤلاء الأقزام وأيتام الولاية جميعا تحت “قندرتي”)
صَرْعـَه :- مودة
* يـعـبـادي :-  حيدرالعبادي رئيس الوزراء

11 / آب / 2015
ســــــــــــــتوكهولم

  

إذاعة وتلفزيون‏



أفلام من الذاكرة

الأبراج وتفسير الأحلام

المتواجدون حاليا

1054 زائر، ولايوجد أعضاء داخل الموقع