قصة وصورة.. احنة الفقراء عجزنا من المناشدة

التفاصيل

تم إنشاءه بتاريخ الأربعاء, 13 أيلول/سبتمبر 2017 09:20

بغداد – أسعد الزلزلي:آني عبود عبيس. عمري ٦٧ سنة وهاي حكايتي وية عمري وميزان آخر أيامه.

من أراجع عمري اللي كان، قضيته بس مرض وفقر وحاجة. وهسه عندي انزلاق وسكر وسوفان ومثل متشوفني اتعوقت وعالعكازة أمشي، ومقابلي هالميزان اللي اعيش عليه آني وعائلتي الخمس نفرات.

قبل جنت أعمل بس هسه ما أكدر أمشي وما بقى عندي حيل، فحطيت هالميزان الي بالكوة موفرلي حك الخبزة . تكدر تكول عاييشين بالموت وماريد أطالب ولا أناشد لأن هي مليوصة ويوم أتعس من يوم.

واحنة الفقراء عجزنا من المناشدة، فالي ما سمعنا قبل قابل حيسمعنا هسة. وآني وزوجتي المريضة مكظيها ضيم بضيم ولا يؤلم الجرح إلا من به ألم.